ՓԱՐԻԶ, «ՓանԱրմինիըն».- Յունուար 14-ին Փարիզի մէջ մահացած է ֆրանսահայ յայտնի դերասանուհի Ռոզի Վարդը, որուն մասին «Ֆրանս-Փրէս»ին հաղորդած է անոր ամուսինը՝ Փիեռ Պատել:
Ռոզի Վարդ Ժան Վիլարի հետ աշխատած է Ազգային ժողովրդական թատրոնին մէջ (Theatre national populaire – TNP), ուր 1958-ին բեմադրած է «Եուպիւ արքան» ներկայացումը, որ դասուած է համաշխարհային թատրոնի դասականներու շարքին:
Ռոզի Վարդը ճանչցուած էր ո՛չ միայն այն դրուագաշարերով, որոնց մասնակցած էր, այ՝լ Ժան Ռենուարի, Ֆրանսուա Տրիւֆոյի, Հանրի Վերնոյի, Քլոտ Սոդէի շարժանկարներով:
Ռոզի Վարդի իսկական անունն է Նուարդ Մանուէլեան. ծնած է Թուրքիա, 1923-ին, եւ դեռ նորածին՝ անոր ծնողները տեղափոխուած են Ֆրանսա: 1971-էն սկսեալ ան մնայուն կերպով համագործակցած է Ֆրանսական կատակերգական թատրոնի հետ: