Կազմակերպութեամբ Համազգայինի «Թ. Ռոսլին» կերպարուեստի դպրոցին, Շաբաթ, 29 Ապրիլ 2011-ին, երեկոյեան ժամը 6:00-ին, Համազգայինի «Լ. Շանթ» մշակութային կեդրոնի «Գ. եւ Հ. Արմէնեան» սրահին մէջ տեղի ունեցաւ միջդպրոցական գծագրական մրցանքի ցուցահանդէսն ու մրցանակաբաշխութիւնը:
Այս առիթով խօսք առաւ Համազգայինի «Թ. Ռոսլին» կերպարուեստի դպրոցի գեղարուեստական պատասխանատու Ժանեթ Յակոբեան-Եափուճեան, որ նշեց, թէ այս նախաձեռնութիւնը արդէն աւանդութեան վերածուած է եւ կը միտի կերպարուեստի մարզին մէջ ստեղծել համապատասխան խանդավառութիւն եւ առողջ մրցակցութիւն:
Ժ. Յակոբեան-Եափուճեան աւելցուց, որ մրցանքը նաեւ կրնայ տաղանդներու բացայայտման նպատակին ծառայել: Ան շնորհակալութիւն յայտնեց դատական կազմի անդամներուն` Անիթա Թութիկեանին, Վարդան Խապոյեանին եւ Մարալ Տէր Պօղոսեանին, որոնք բծախնդրութեամբ կատարած էին իրենց վստահուած պարտականութիւնը:
Ցուցահանդէսին իրենց մասնակցութիւնը բերած են 23 լիբանանահայ վարժարաններ: Մրցանակակիրները ստացան «Թ. Ռոսլին»ի կերպարուեստի դպրոցի յառաջիկայ տարեշրջանի կրթաթոշակներ ու «Ֆէյպըրքեսըլ» հաստատութենէն նուէրներ:
Մրցանակակիրներ
Ա. Խումբ (6-8 տարեկան)
Ա. Սելլա Մարգարեան (Հայ աւետ. Շամլեան-Թաթիկեան վարժարան)
Բ. Շուշի Գոճայեան (Ազգ. Ե. Մանուկեան վարժարան)
Գ. Յակոբ Ճուլֆայեան (Կարմիրեան վարժարան)
Բ. Խումբ (9-12 տարեկան)
Ա. Նարեկ Սարգիսեան (Նազարեան վարժարան)
Ա. Տէյվիտ Տէյիրմենճեան (Նազարեան վարժարան)
Բ. Ժիրայր Փաշայեան (Ազգ. Աքսոր Գասարճեան վարժարան)
Գ. Նէնսի Արմանի (Համազգայինի Մ. եւ Հ. Արսլանեան Ճեմարան)
Գ. Սերժ Տէտէեան (Ազգային Աբգարեան վարժարան)
Գ. Խումբ (13-16 տարեկան)
Ա. Սէրուժ Հանտեան (Համազգայինի Մ. եւ Հ. Արս. Ճեմարան)
Ա. Մհեր Գափլանեան (Ազգ. Լ. եւ Ս. Յակոբեան քոլեճ)
Բ. Մանուկ Ճենանեան (Հայ կաթողիկէ Գ. Հարպոյեան վարժարան)
Բ. Յովիկ Սասունեան (Ազգ. Ե. Մանուկեան վրժ.)
Գ. Համբարձում Յովսէփեան (Համազգայինի Մ. եւ Հ. Արսլանեան ճեմարան)
Գ. Քրիստափոր Իսկենտերեան (Ազգային Ե. Մանուկեան վարժարան)