Մշակոյթը ազգային ինքնութեան հիմնասիւններից է, եւ հայ ազգի յարատեւութեան գլխաւոր գրաւականներից: Հայրենիքից դուրս մեր մշակոյթի, հոգեւոր եւ իմացական արժէքների ճանաչման ու տարածման, ազգային գիտակցութեան պահպանման վեհ գաղափարն էր Համազգային Հայ Մշակութային եւ Կրթական Միութեան ստեղծման հիմքում: Շուրջ մէկ դար յետոյ էլ այս կազմակերպութեան նուիրեալ անդամներն աշխարհի տարբեր հատուածներում անխոջ իրականացնում են միութեան առաքելութիւնը՝ հայ համայքներին համախմբելով հայրենի մշակոյթի շուրջ:
Այս նպատակով էր, որ Նոյեմբերի 14-16ը Համազգային Հայ Մշակութային եւ Կրթական Միութեան Արեւմտեան Ամերիկայի Շրջանային վարչութիւնը նախաձեռնել էր հայ գեղանկարչութեան ու կերպարուեստի դասական ու ժամանակակից արուեստագէտների աշխատանքների բացառիկ ցուցադրութիւն Գլենդելում: Համազգայինի ձեռնարկին արձագանգել էր «Hovik՛s Arts» պատկերասրահի հիմնադիր, նկարիչ Յովիկ Քոչինեանը՝ ներկայացնելով իր հաւաքածուից երեք սերնդի շուրջ յիսուն հայ նկարիչների գործեր: