News & Events

Երուսաղէմի Հայոց Պատրիարքարանի թանգարանի վերանորոգման ծրագիրը (Փարիզ)

Date: 02/09/2018
Category: Եւրոպա

Երկուշաբթի  29 Յունուար 2018-ին, համազգայինի  հրաւէրով պատմաբան Գլօտ Մութաֆեան ներկայացուց Երուսաղէմի Հայոց Պատրիարքարանի թանգարանի վերանորոգման ծրագիրը:

Մութաֆեան ըսաւ, որ կան մեծ թիւով գանձեր, որոնք չեն ներկայացուած հանրութեան եւ զբօսաշրջիկներուն. անոնք պահուած են ոչ լաւ պայմաներու մէջ: Այդ գանձերը՝արժէքաւոր իրեր, գորգեր, պատմական հրամանագրեր, Թորոս Ռոսլինի մանրանկարչութիւներ, Քիւթահեայի յախճապակիներ… կը մնան ոչ բացայատուած վիճակի մէջ:

Ներկայ Պատրիարք Նուրհան Արք. Մանուկեանի խնդրանքով  այդ իրերը  պիտի ցանկագրուին եւ զետեղուին թանգարանին մէջ` մնայուն ցուցադրութեան համար եւ պահպանման յատուկ պայմաներու տակ:

Այս հսկայական գործը ստանձնած են  Ֆանսայէն պատմագէտ Յարութիւն Գեւորգեան, Գլօտ Մութաֆեան եւ  Լիբանանէն  Յարութ Պէզճեան: Աշխատանքը պիտի տեւէ մօտ երկու տարի:

Մութաֆեանի հետաքրքրական այս դասախօսութիւնը առիթ տուաւ բազմաթիւ հարցումներու:

Facebook Iconfacebook like buttonYouTube Icon