News & Events

Դասախօսական երեկոյ` նուիրուած հայրենի մեծանուն գրող Մուշեղ Գալշոյեանին (Լիբանան)

Share on Facebook0Tweet about this on TwitterShare on Google+0Email this to someone

Համազգայինի Այնճարի «Պարոյր Սեւակ» մասնաճիւղի մշակութային յանձնախումբի կազմակերպութեամբ, Այնճարի «Ս. Զէյթլեան» ժողովրդային տան «Մովսէս Տէր Գալուստեան» սրահին մէջ տեղի ունեցաւ դասախօսական երեկոյ մը` նուիրուած հայրենի անուանի գրող Մուշեղ Գալշոյեանին:

Բանախօսը` հայրենի մտաւորական, արուեստագիտութեան դոկտոր Թամար Յովհաննիսեան, հետաքրքրական ձեւով ներկայացուց Մուշեղ Գալշոյեանի ստեղծագործական, հասարակական եւ ազգային կեանքին մասին բացառիկ կարեւոր եւ ուշագրաւ տեղեկութիւններ: Երեկոյի ընթացքին հնչեցին հատուածներ Գալշոյեանի ստեղծագործութիւններէն եւ ցուցադրուեցան հատուածներ «Ձորի Միրօ» ժապաւէնէն:

Մուշեղ Գալշոյեանին նուիրուած այս երեկոն մեծ գոհունակութեամբ ընկալուեցաւ ներկաներուն կողմէ եւ իբրեւ անմոռաց յուշ պիտի մնայ գրականասէր այնճարցիներու յիշողութեան մէջ:

 

Facebook Iconfacebook like buttonYouTube Icon