News & Events

«Արքա՛յ, Արթնցի՛ր» երաժշտական թատերախաղի ներկայացում (Լիբանան)

Share on Facebook1Tweet about this on TwitterShare on Google+0Email this to someone

«Ազդակ» օրաթերթ.- 3 եւ 4 Մարտ 2017-ին «Յակոբ Տէր Մելքոնեան» թատերասրահին մէջ տեղի ունեցաւ Համազգայինի «Արեգ» թատերախումբի «Արքա՛յ, Արթնցի՛ր» երաժշտական կատակերգութիւնը` հետեւողութեամբ Յովհաննէս Թումանեանի «Ոսկիէ կարասը» հեքիաթին, հեղինակ, գեղարուեստական ղեկավար եւ բեմադրիչ Ռոպերթ Առաքելեան, մասնակցութեամբ «Գայեանէ» պարի դպրոցի` գեղարուեստական ղեկավարութեամբ պարուսոյցներ Կարէն եւ Ժաքլին Մակինեան ամոլին:

Ինչպէս, որ Յովհաննէս Թումանեան ժամանակին իր գիւղին մէջ գտած էր ոսկիէ կարաս մը, Ռոպերթ Առաքելեան եւս Հայաստան` իր գիւղին մէջ կը գտնէ կարաս մը եւ կը յղանայ գաղափարը գրելու նոր թատերախաղ մը, որ ըլլայ Թումանեանի «Ոսկիէ կարասը» պատմութեան հետեւողութեամբ, սակայն ըլլայ այժմէական` պահելով հայկականութիւնը: Առաքելեան կը փորձէ նիւթը կապել մեր առօրեային հետ, որ կ՛արտացոլայ պատմութեան ընդմէջէն փոխանցուած խօսքերով կամ միտքերով, օրինակ` արքայի պարագային, որ կը ղեկավարէ ժողովուրդը` միշտ քնացած է. նաեւ գտնուած կարասի մէջի ոսկիները կը մարմնաւորեն մեր նոր սերունդի 2 օրինակները` աղջնակ մը եւ տղեկ մը, որոնք ներկայացման վերջաւորութեան կը գրաւեն քնացած թագաւորին տեղը` այսպիսով հինը փոխարինելով նորով եւ արժեւորելով նորը, այլ խօսքով` նոր սերունդը, որոնք պիտի ղեկավարեն ստեղծելով փայլուն ապագայ մը:

Թատերախաղին իրենց մասնակցութիւնը բերին շուրջ 85 աշակերտներ, որոնցմէ 35-ը` «Արեգ» թատերախումբի անդամներ, որոնցմէ իւրաքանչիւրը  մարմնաւորեց իր ստանձնած դերը, իսկ մնացեալը` «Գայեանէ» պարի դպրոցի աշակերտները, որոնք հանդէս եկան 4 պարերով:

 

Facebook Iconfacebook like buttonYouTube Icon